Resistance Festival urteoro Atenasen ospatzen den greziar ezkerraren jaialdia da, Syrizan kokatutako KOE alderdiak antolatuta. Aurtengoan, lehen aldiz, aurrekoetan parte hartu duen Sorturekin batera joan da Atenasera Floren Aoiz, Iratzar Fundazioaren zuzendaria.
Ideiak Zabalduz ildoko bigarren koadernoa argitaratu dugu. Lerro honen helburua, Iratzar Fundazioak antolatzen dituen mahai inguru, jardunaldi edo tailerretan esandakoak bildu eta ondorio edo ikasgai politikoak aterata hauek lau haizeetara zabaltzea da.
Koaderno honetan Neguko Unibertsitateko bigarren blokeko ikasgaiak bildu ditugu. Emir Sader soziologo brasildarra, Raul Zalik idazle eta analista politiko alemaniarra, Luismi Uharte EHUko irakaslea eta Maite Ubiria, Gorka Elejabarrieta eta Xabier Olano Sortuko kideen hitzartzeen mamia jaso dugu. Zer da gobernua, zer boterea, ze harreman dituzte gobernu eraldatzaileek eta herri mugimenduek, ze ikasgai atera daitezke Latinoamerikako prozesuetatik... Ezkerra eta askapenaren bideak koadernoan erantzun batzuk. Dokumentuak atalean deskargatu dezakezue.
Neguko Unibertsitatea 
Korapiloa 