Sao Pauloko foroan parte hartu behar zuen euskal ordezkaritzari Mexikoko gobernuaren oztopo diplomatikoak

Gaur hasita eta datorren abuztuaren lehenerarte, Mexiko DFn ospatzekoa da Sao Pauloko XXI foroa. Hego Amerika eta Karibeko mugimendu politko eta sozial eraldatzaileen topagune da foroa eta aurten, 23 herrialde ezberdinetako ordezkariak bildu behar zituen. Mugimendu horiekin harremana duten mundu osoko eragileentzako, Sortu kasu, ohiko hitzordua izaten da ere foroa. Era berean, pentsamendu politiko eta intelektualerako fundazioentzako jarduerak ere barnebiltzen ditu foroak eta horregatik da ere Iratzar Fundazioarentzako erreferentzia gune.

Gehiago irakurri: Sao Pauloko foroan parte hartu behar zuen euskal ordezkaritzari Mexikoko gobernuaren oztopo...

Iratzar Fundazioa eta Sortu Alemanian

Iratzar Fundazioko eta Sortuko ordezkariak Alemanian dira, hainbat alderdi, eragile eta ezker eraldatzailearekin loturiko antolakundeekin biltzeko, Rosa Luxemburg Fundazioarekin eta Berlineko hainbat medio alternatiborekin besteak beste.

Atzo bilera bat izan zuten Die Linkeren Turingiako sekzioko bi kiderekin, Christian Schaft parlamentaria eta Turingiako Die Linkeren Presindenta, Suzanne Henning-Wellsowekin.

Bileran politika eraldatzaileen inguruko esperientziak trukatu dituzte, izan ere eraldaketa politikoa eta gizarte mugimenduekiko harremana dira Die Linkeren eta Turingiako koalizio gobernuaren lehentasunak, koalizioa SPDk, Berdeek eta Die Linkek osatzen dute.